Trump aapa kuujenga ukuta wa Mexico

Donald Trump amesema kuwa atalizimika kuweka kando shughuli za serikali ikiwa itahitajika, ili aweze kujenga ukuta kwenye mpaka kati ya Marekani na Mexico.

Trump aliwaambia wafuasi wake kwenye mkutano uliofanyika huko Phoenix, Arizona, kuwa wabunge wa Democrats ndio kizuizi.

Wakati wa hotuba yake iliyochukua dakika 80, pia Trump alivilaumu vyombo vya hahari kwa kuwaunga mkono makundi yenye ubaguzi wa rangi nchini Marekani.

• Trump: Ukuta wa Mexico utakuwa na nishati ya jua
• Mexico: Hatutalipia ukuta wa Donald Trump

Trump anataka bunge la Congress kufadhili mpango wake wenye utata wa kujenga ukuta kati ya Marekani na Mexico ili kuwazuia wahamiaji haramu.

Lakini warepublican watahitaji uungwaji mkono wa Democrats ili kuweza kupata pesa za kujengwa ukuta huo.

Haki miliki ya pichaGETTY IMAGES

Image captionWale wanaompinga Trump waliokuwa wamekusanyika nje ya mkutano huo walikabiliana na polisi baada ya mkutano huo kumalizika

Katika hotuba yake bwana Trump alisema kuwa Democrats wanaliweka taifa la Amerika hatarini.

Alisema kuwa maafisa wa uhamiaji wanaofanya kazi eneo hilo wanasema kuwa ni muhimu kuzuia wahamiaji haramu kuingia Marekani.

• Marekani kujenga ukuta mara moja
• Mexico yawaonya raia wake US baada mwanamke kufurushwa

Huku hotuba ya Trump ikishangiliwa ndani ya ukumbi, wale wanaompinga Trump waliokuwa wamekusanyika nje ya mkutano huo walikabiliana na polisi baada ya mkutano huo kumalizika.

Polisi walilazimika kutumia maji wa kuwasha wakati waandamanaji walianza kurusha mawe na chupa.