Rais Magufuli na Museven kuzindua mradi wa Bomba la Mafuta kutoka Uganda wiki ijayo

Jumamosi ijayo ya Tarehe 5 mwezi Agosti 2017, Rais John Pombe Magufuli na Rais wa Jamhuri ya Uganda, Yoweri Kaguta Museven wataweka jiwe la Msingi la mradi wa Bomba la kusafirishia mafuta ghafi la Afrika Mashariki kutoka Hoima nchini Uganda hadi Bandari ya Tanga nchini Tanzania.

Mradi huu ni moja ya miradi mikubwa ambayo nchi yetu imepata Tangu serikali ya Awamu ya 5 iingie madarakani na uwezekaji wake unagharimu Dola Bilioni 3.5 ambazo ni sawa na Trilioni 8 za Kitanzania.